جيكا البرادعي ..

الصورة دي كانت يوم 18 يونيو ، يوم إعلان نتيجة فوز مرسي بإنتخابات الرئاسة ...

نزل "محمد جابر صلاح" زي بقية الثوار الفرحين بإسقاط شفيق ، كنا فاكرين إن احنا أسقطنا أول عمود من أعمدة فساد مبارك ، افتكرنا إن هييجي رئيس هيخشي ربنا وإنه يتعلم من اللي اتعمل في المخلوغ من شعبه ... بس اكتشفنا إنه مكمل نفس المسيرة ، ونفس الفساد ، نفس الخطي في الإستيلاء علي جميع المؤسسات ، شهدنا أخونة الإعلام ، أخونة المؤسسات ، أخونة الإدارات .. 

..أكتشفنا إنه بيتم إعادة "حزب وطني" من جديد بس علي شكل دقون ...

ويوم ما قرر الثوار يحيوا ذكري محمد محمود ، اتضربوا بالخرطوش وبالقنابل المسيلة للدموع .. عرف الثوار إن الداخلية زي ما هي ، نفس القيادات الفاسدة موجود موجودة ونفس سياسة العادلي ماشية ..

..أتضرب جابر خرطوشة في دماغه ، تاني يوم استلم أهله جثة جابر !!

أيوة ، مات "جيكا البرادعي" علشان كان بيحلم ببلده أحلي 

مات "جيكا البرادعي" علشان كان عايز يجيب حق صحابه..

مات "جيكا البرادعي" من داخلية مرسي مع إنه نزل احتفل وقت فوز مرسي !!

فكل ما نستطيع قوله "حسبنا الله ونعم الوكيل" ، ومحدش هينسي دم الشهداء اللي ماتوا فدا بلدهم